24 Januarie 2023
’n Vragmotor – wat vermoedelik van Mosambiek afkomstig is – en ’n bus is op die R22 tussen Hluhluwe en Mbazwana, in die noorde van KwaZulu-Natal, aan die brand gesteek tydens ‘n betoging teen oorgrensmisdaad.
Bronne sê die protesaksie is deur inwoners in Hlabisa en ander gebiede langs die Mosambiekse grens begin.
Die gemeenskap is na bewering keelvol vir min tot geen optrede deur owerhede om die diefstal van motorvoertuie – wat na Mosambiek vervoer word – hok te slaan.
Daar word beweer dat daar die afgelope paar weke ‘n toename in motorkapings in dié gebiede was, met sportnutsvoertuie en bakkies wat geteiken word.
