17 Junie 2021
Medelye stroom reeds vanuit alle oorde in vir die naasbestaandes van die voormalige president van Zambië, Kenneth Kaunda, wat vroeër vandag in die ouderdom van 97 oorlede is.
Hy was die Zambiese president van 1964 tot 1991. Hy was die eerste demokraties verkose president van Zambië nadat die land onafhanklikheid van Brittanje verkry het.
Hy is Maandag in die Maina Soko militêre hospitaal opgeneem waar hy vir ‘n longontsteking behandel is.
Kaunda is in 1999 van die Zambiese burgerskap ontneem, maar dié beslissing is ‘n jaar later omgekeer.
Hy was met Betty Kaunda getroud, wat in 2012 oorlede is en het agt kinders gehad.
