9 Desember 2024
Tientalle vlugte is vertraag weens probleme met die brandstoftoevoerstelsel by die OR Tambo Internasionale Lughawe in Johannesburg.
Die Lughawe Maatskappy van Suid Afrika (ACSA) sê in ‘n verklaring dat tegnici reeds besig is om die oorsaak van die probleem op te spoor.
Die vertragings het ‘n verdere rimpeleffek op ander vlugte wat onderweg is na die lughawe, omdat daar nie genoeg spasie is vir die vliegtuie om te parkeer nie.
Verskeie lugdienste het passasiers aangeraai om met die redery te kommunikeer oor hul vlugtye, en of die vlugte gekanselleer is.
