27 Januarie 2022
‘n Ongewone voorval het hom op die Kaapstad Internasionale Lughawe afgespeel nadat ‘n deur van ‘n British Airways Boeing 777 afgeruk is – terwyl die vliegtuig op die laaiblad was.
Dit wil voorkom asof tegnici nagelaat het om die deur van die lugbrug los te maak voordat die vliegtuig begin terugstoot het.
Al die passassiers op die vlug – wat pas van London af aangekom het – was reeds uit die vliegtuig.
Die gebeure het ‘n oponthoud veroorsaak aangesien dié tuig bestem was om die terugvlug na Engeland te onderneem en die redery moes skarrel om genoeg sitplekke op alternatiewe vlugte te kry om die passasiers op te huisves.
Die voorval word deur alle betrokke owerhede ondersoek.
