29 April 2023
Die lugdiens, FlySafair beplan om sy negende verjaarsdag op ‘n baie spesiale manier te vier deur spotgoedkoop kaartjies te verkoop vir eenrigting-vlugte tussen Mei en November 2023.
As deel van sy verjaarsdagvieringe gaan die lugdiens 50 000 eenrigtingkaartjies ter waarde van R9 verkoop. Volgens FlySafair word lughawebelasting by dié prys ingesluit.
Dit is nog onduidelik presies van wanneer af die kaartjies verkoop gaan word, maar FlySafair het mense aangemoedig om die lugdiens se sosiale media-platforms dop te hou vir meer inligting.
FlySafair se eerste vlug het op 16 Oktober 2014 plaasgevind. Ter viering van sy eerste verjaarsdag is 30 000 kaartjies teen R1 elk verkoop. Met elke verjaarsdag gaan die prys van kaartjies met R1 op. Dus het kaartjies in 2022 R8 elk gekos.
FlySafair bied tans 150 vlugte per dag na die land se grootste stede asook Zanzibar en Mauritius.
