18 Maart 2024
Die verdagte wat die afgelope naweek aangekeer is in verband met die verdwyning van die 6-jarige Joslin Smith, het vanoggend vlugtig in die landdroshof op Vredenburg verskyn.
Die 32-jarige Lourentia Lombaard – wat oënskynlik aan lede van die gemeenskap bekend is – het aangedui dat sy wil aansoek doen om regshulp en ‘n tolk.
Die saak is tot 25 Maart uitgestel wanneer sy sal aansoek doen om borgtog. Volgens die staat het Lombaard ‘n bekentenis afgelê.
Sommige gemeenskapslede meen dat Lombaard aanvanklik deelgeneem aan die soektog na Smith.
Sy is die vierde verdagte en sal waarskynlik saam met met Joslin se ma, Kelly Smith, dié se kêrel, Jacquin Appollis en Stevano van Rhyn tereg staan op klagte van mensehandel en ontvoering.
