30 Desember 2021
Vier verdagtes is in hegtenis geneem nadat die 51-jarige boer, Petrus Steyn in September vanjaar op sy plaas Holfontein tussen Heilbron en Frankfort in die Vrystaat vermoor is.
Sy liggaam is op 29 September op die plaas gevind en is vermoor toe hy glo van sy plaashuis na ‘n stoor geloop het.
LEES OOK: BOER OP PLAAS NABY HEILBRON IN DIE VRYSTAAT VERMOOR
Die polisiewoordvoerder, brigadier Motantsi Makhele sê ‘n 48-jarige vrou en 51-jarige man, wat werk en woon op die Holfontein plaas is ook in hegtenis geneem. Die ander twee verdagtes is 27- en 33-jarige inwoners van Frankfort.
Volgens Makhele is die verdagtes met behulp van inligting deur gemeenskapslede in hegtenis geneem. Hulle sal na verwagting môre in die hof verskyn
