13 Julie 2023
Vier mense is dood toe verskeie voertuie vanoggend op die N12-snelweg tussen Emalahleni en Ogies in Mpumalanga in ‘n botsing betrokke was.
Die woordvoerder van die departement van gemeenskapsveiligheid in Mpumalanga, Moeti Mmusi, sê voorlopige ondersoeke dui daarop dat digte mis die motoriste se sig belemmer het. In videos en foto’s op sosiale media kan gesien word hoe digte mis die sigbaarheid belemmer.
Volgens Mmusi was daar ‘n vragmotors, insluitend ‘n brandstoftenkwa, motors en ligte afleweringsvoertuie in die botsing betrokke. Daar moet egter nog vasgestel word presies hoeveel voertuie in die botsing betrokke was.
Die pad was tydelik gesluit.
Foto:’s Emalahleni News (Facebook)
