14 Junie 2021
Konflik dreig by die Hoër Tegniese Skool Witbank waar ontevrede ouers en lede van die gemeenskap met mekaar slaags geraak het.
Op videomateriaal wat die rondte doen op die sosiale media kan gesien word hoe ‘n groep mense buite die skool bymekaarkom terwyl dreunsang gehoor kan word.
Die woordvoerder van die provinsiale onderwysdepartement, Jasper Zwane, sê hy is op die toneel en dit blyk gespanne te wees. Berigte van mense wat met sambokke gejaag word doen ook die rondte en die polisie is na die toneel ontbied.
Vandag se optrede volg op ‘n video waarin gesien kan word hoe leerders mekaar met die vuis toetakel. Dié bakleiery wat verlede Dinsdag plaasgevind het is glo ras-verwant.
Video en Foto’s: Zita Goldswain. Witbank News. Nuus
