8 Maart 2022
Die VF Plus het ‘n beroep op die minister van openbare werke Patricia de Lille gedoen om te bedank.
Dit kom nadat die spesiale tribunaal beslis het dat kontrakteurs wat die Beitbrug grensdraad opgerig het, die winste wat hul gekry het moet terugbetaal.
Die twee maatskappye Caledon River Properties en ProfTeamBK is miljoene rand betaal selfs voordat enige werk gedoen is.
De Lille het ontken dat sy baat gevind het by die projek en het gesê sy is bereid om haar bankrekeninge te openbaar om dit te bevestig.
Die VF Plus sê De Lille moet nou openlik verantwoordelikheid vir die debakel aanvaar en nie soos voorheen die blaam probeer verskuif na amptenare van haar departement nie.
