15 November 2021
Die VF Plus sê hy betreur die feit dat die ANC-regering op ‘n “ongevoelige wyse” die drome van Suid-Afrika se skoonheidskoningin, Lalela Mswane, wil verydel om aan die Mej. Heelal-kompetisie deel te neem.
Dr Corné Mulder, die VF Plus se woordvoerder oor internasionale betrekkinge en samewerking sê soos met krieket se “Black Lives Matter”-rasse-agenda, maak die regering en organisasies soos die Palestynse politieke party, Fatah, ʼn rasse-aangeleentheid van die internasionale skoonheidskompetisie omdat dit in Israel aangebied word.
LEES OOK: SA REGERING ONTTREK SY STEUN AAN MEJUFFROU HEELAL-KOMPETISIE
Suid-Afrika se minister van sport, kuns en kultuur, Nathi Mthethwa het sy rug op Mswane gekeer en gesê dat die regering sy steun aan Suid-Afrika se deelname aan die Mej. Heelal-kompetisie onttrek weens die “gruweldade en rassisme” van Israel teen die Palestyne.
Mulder sê dit is ironies dat Mswane self reeds aangedui het dat sy in haar jaar as Mej. Suid-Afrika wil fokus op een van die maatskaplike euwels wat die ANC-regering in haar eie land geskep het, naamlik werkloosheid met die armoede, desperaatheid en misdaad wat daarmee gepaard gaan.
Stem vir die Aitsa’s
