8 Oktober 2021
Die VF Plus het die munisipale bestuurder van die Mogale City-plaaslike munisipaliteit, Pringle Raedani skriftelik versoek om verslag te lewer oor hoeveel geld die munisipaliteit in die afgelope finansiële jaar bestee het aan die onderhoud, herstelwerk en opgradering van munisipale vaste-eiendom asook nuwe kapitaalbesteding.
Dié munisipaliteit bedien Krugersdorp, Muldersdrift en Magaliesburg.
Volgens wetgewing word munisipaliteite verplig om jaarliks 8% van die boekwaarde van eiendom, toerusting en aanlegte aan onderhoud en herstelwerk te bestee.
Mogale City het egter in die 2019/20-finansiële jaar slegs 4,24% bestee aan herstelwerk en onderhoud – wat ʼn tekort van meer as R430-miljoen daarstel.
Volgens die VF Plus se raadslid in die munisipaliteit, Tjaart Steenkamp het dié raad die afgelope twaalf jaar meer as R4,1-miljard te min aan onderhoud en herstelwerk bestee.
Stem vir die Aitsa’s
