Die leier van die VF Plus, dr. Corné Mulder sê die VSA het begin om die skroewe van sanksies stywer aan te draai en waarsku dat die ANC en die regering daarvan moet kennis neem.
Mulder het aangehaal uit Azernews waarin berig word dat die VSA se departement van handel uitvoerbeperkings op 70 maatskappye van Iran, China, die Verenigde Arabiese Emirate, Pakistan en Suid-Afrika ingestel het.
Hy sê ‘n amptelike Amerikaanse bron het die name van die Suid-Afrikaanse maatskappye teenoor die VF Plus bevestig as Ascenso Aviation, Blue Sky Aviation, en Wingman Concept.
Volgens Mulder hou die sanksies verband met die opleiding van Chinese vegvlieëniers.
Hy het beklemtoon dat Suid-Afrika nie ‘n verswakkende verhouding met die VSA kan bekostig nie.
Volgens ‘n ander bron word dié drie maatskappye aangedui as Geostructures, Nuclear Africa,en Stratex – wat aan militêre aktiwiteite vebind word.
One Response
Ek is dankbaar dat alle vroue atlete eers n toets moet deur gaan.