30 April 2024
Die politikus Lennit Max het uit die Vryheidsfront Plus bedank.
Max sê in sy bedankingsbrief dat die “VF Plus ekslusief vir Afrikaner mense is, en dat ander kulture, rasse en gelowe nie welkom is in die party nie.”
Hy beskuldig vir dr. Corne Mulder daarvan dat hy hom om die bos gelei het, deur aan hom te sê dat hy by die VF Plus moet aansluit, en dat die party se grondwet gewysig sal word om dit meer inklusief te maak.
Volgens Max is daar nooit ‘n poging aangewend om die party se grondwet te wysig nie, en is daar elke keer net aan hom gesê dat hulle besig is daarmee.
Max was tydens die 2021 plaaslike regeringsverkiesing die VF Plus se burgemeesterskandidaat in Kaapstad.
Foto: Voice of the Cape Radio
