‘n Poging deur die Nelson Mandelabaai-metroraad, om R2,6-miljard se onreëlmatige uitgawes af te skryf, is deur onder andere die VF Plus stopgesit.
Volgens ‘n VF Plus-raadslid in die Nelson Mandelabaai-metroraad, Bill Harington het die metro nie die nodige dokumentasie of ‘n volledige ondersoek gedoen voordat hulle probeer het om dié uitgawes af te skryf nie.
Hy sê weens ANC-raadslede wat geweier het om dié voorstel te steun, is die saak terugverwys na die munisipale openbare rekeningekomitee vir verdere ondersoek.
Harrington sê die VF Plus eis ‘n deeglike oudit om te bepaal watter uitgawes geregverdig was en watter moontlik met korrupsie verband hou.
Hy sê sy party vermoed reeds lank dat hierdie bedrag nie ‘n administratiewe fout was nie, maar dat dit moontlik fakture van kaders en vriende kan insluit.
