Die leier van die VF Plus, dr. Corné Mulder sê die aanwysing van Leo Brent Bozell III na Suid-Afrika om waarskynlik vir Reuben Brigety as ambassadeur van die VSA op te volg, is ‘n welkome verwikkeling.
Mulder sê met dié aankondiging wys dat die VSA se president, Donald Trump dat Suid-Afrika steeds hoog op die Amerikaanse agenda is.
Volgens Mulder is dit duidelik dat die Trump-administrasie ‘n verteenwoordiger hier wil hê wat sy oor deeglik op die grond sal hou om Trump op hoogte te hou van politieke verwikkelinge en die rol en boodskap van die media in Suid-Afrika.
Mulder sê Bozell is ‘n veteraan-konserwatiewe mediakommentator, mediakundige en politieke aktivis. “Luidens mediaberigte is hy bekend vir sy onwrikbare verbintenis tot tradisionele waardes en sy uitgesproke kritiek op liberale mediavooroordeel.”
Indien Bozell wel die pos opneem het die VF Plus aangedui dat hulle hom graag sal wil ontmoet om hom vanuit dié party se perspektief op die hoogte van sake in Suid-Afrika te bring.
