18 Julie 2023
Die Outomobiel Assosiasie, die AA, waarsku dat motoriste dalk in Augustus wéér duurder sal moet betaal vir brandstof.
Volgens die AA dui middel van die maand data van die Sentrale Energiefonds daarop dat brandstofpryse in Augustus sal styg.
95-oktaan petrol kan glo met nagenoeg 7-sent per liter duurder word, terwyl diesel sowat 48-sent per liter duurder kan kos. 93-oktaan petrol sal egter na verwagting met 4-sent per liter daal. Paraffien sal na verwagting 48-sent per liter duurder word.
Die hoër oliepryse en die Rand se swak prestasie teen die Dollar is van die faktore wat tot die prys-verhogings kan lei.
