28 Januarie 2022
Die 53-jarige man, wat daarvan beskuldig word dat hy se vervreemde vrou, Vicki Terblanche (42) vermoor het, is vanoggend borgtog geweier in die Port Elizabeth (Gqeberha) landdroshof.
Arnold Terblanche is borgtog geweier nadat die staat aangevoer het dat dit ‘n risiko sal wees om hom vry te laat en dat die aanklagte, wat hy in die gesig staar ernstig van aard is. Hy staan tereg op aanklagte van sameswering tot moord, moord en regsverydeling.
LEES OOK: DERDE PERSOON VASGETREK WEENS MOORD OP VICKI TERBLANCHE
Arnold het onder meer aangevoer dat hy die primêre versorger van hom en Vicki se 12-jarige seun is en daarom moet hy op borgtog vrygelaat word.
Vicki se liggaam is in Oktober verlede jaar in ‘n vlak graf op ‘n kleinhoewe in Groenbossies, buite Port Elizabeth gevind.
Haar kêrel die 32-jarige Reinhardt Leach en sy vriend, Dylan Cullis (24) word ook by die saak betrek. Leach het haar as vermis aangemeld. Beide het tydens vorige hofverskynings hulle borgtogaansoek teruggetrek. Die saak is tot 28 Maart uitgestel.
