8 November 2023
‘n DA-lid van die Gautengse Provinsiale Wetgewer, Jack Bloom sê die Bank van Lisabon-brandtragedie kon voorkom gewees het as die provinsiale regeringsdepartemente aan die nodige veiligheidswetgewing voldoen het.
Die verslae, wat vanoggend vyf jaar ná die brand openbaar gemaak is, kritiseer die departemente van gesondheid en menslike nedersettings omdat hulle die Wet op Bedryfsgesondheid en Veiligheid oortree het.
Volgens die verslag is ‘n verwarmer nie afgeskakel nie. Dié departemente, wat die huurders was ten tyde van die brand, het nie die verpligte brandrisikobeoordeling uitgevoer nie.
Bloom sê sy party wil hê dat iemand vir die nalatigheid verantwoordelik gehou moet word.
Drie branbestryders is dood toe die 31-verdieping gebou op 31 Augustus 2018 aan die brand geslaan het. Die brand het op die 23ste vloer ontstaan.
Die oorblyfsels van die gebou is in 2019 gesloop.
Foto: EWN
