10 Junie 2021
Die vakbond, Solidariteit het vanoggend ‘n verslag bekend gemaak oor die voortslepende tendens van rassediskriminasie in Suid-Afrika.
Die hoof van Solidariteit se Navorsingsinstituut, Connie Mulder sê vanuit ‘n meningspeiling, wat deur naganoeg 4 800 respondente ingevul is, kan afgelei word dat ras feitlik allesoorheersend in Suid-Afrika is.
Mulder sê nie net word mense daagliks volgens ras geklassifiseer nie, maar respondente is dit eenparig dat “jou ras jou regte in Suid-Afrika bepaal.”
LEES OOK: SOLIDARITEIT EN AFRIFORUM IN HOF OOR BEWEERDE RASGEBASEERDE TOERISME-FONDS
Hy meen volgens Solidariteit is die situasie wat tans in Suid-Afrika heers, totaal abnormaal en meen dat die regering se aandrang op “apartheidtipe rasseklassifikasie, enorme skade aan rasseverhoudinge veroorsaak.”
Mulder meen: “besonder onrusbarend is die feit dat die regering se rasregulering neerslag begin vind in basiese interpersoonlike interaksies en dienslewering van die regering.”
Volgens hom vorm hierdie verslag ook deel van ʼn groter klagte wat Solidariteit later vanjaar by die Verenigde Nasies se komitee vir die uitwissing van alle vorme van rassediskriminasie gaan lê.
LEES OOK: POLISIEBEAMPTES ONTSLAAN NA VALSE BESKULDIGING VAN K-WOORD-GEBRUIK
