11 Februarie 2025
Discovery Insure sê dat meer motorbotsings in Suid-Afrika die gevolg is van bestuurders wat met selfone doenig is, as wat veroorsaak word deur bestuurders wat te vinnig ry.
Dié maatskappy se uitvoerende hoof, Robert Attwell het die bevindings van ‘n opname gedeel tydens die bekendmaking van die sogenaamde Vitality Car Rating-program.
Inligting wat oor die afgelope dertien jaar ingesamel is – met behulp van botsingsverslae, versekeringseise en bestuurders se optrede – word gebruik om dié verslag saam te stel.
Die inligting strook met ‘n soortgelyke bevinding deur MasterDrive, wat bereken dat nagenoeg 25% van motorbotsings die gevolg is van foongebruik.
