4 Oktober 2021
Die Menseregtekommissie (MRK) sê hoewel die Grondwet die reg van die individu beskerm, kan dit ‘n ingewikkelde regskwessie word indien die regering besluit om inentings verpligtend te maak.
Die MRK het gereageer op president Cyril Ramaphosa se toespraak Donderdagaand waarin hy aangekondig het dat die gesondheidsdepartement besig is om inentingsertifikate te ontwikkel.
Die kommissie meen mense se huiwering om ingeënt te word, tesame met berigte dat inentings verplig kan word sorg vir vurige debatte. Die vraag bly egter of verpligte inentings mense se menseregte sal skend.
Die MRK sê hoewel die Grondwet mense se vryheid van keuse beskerm, bevind ons, ons tans midde in ‘n pandemie wat kán beteken dat algemene wetgewing, wat inentings verplig, die Grondwet kan uitoorlê.
“Given that the pandemic is an existential crisis that affects all human beings and implicates both rights and responsibilities, it is highly likely that a general law, mandating vaccination will pass constitutional manner.”
– MRK
Die MRK sê verder dat hy Covid-19-inentings ten volle ondersteun omdat die bewyse daar is dat die voordele swaarder weeg as enige moontlike nadele. Die kommissie sê ondanks sy uitlatings oor verpligte inentings ondersteun hy staats vrywillige inentings.
Stem vir die Aitsa’s
