20 Oktober 2021
Die raad van die Universiteit van Kaapstad het ‘n beginselbesluit geneem om inentings teen Covid-19 verpligtend te maak vir diegene wat toegang tot die kampus wil hê.
Die beleid sal op 1 Januarie 2022 in werking tree en is van toepassing op personeel sowel as studente.
Voornemende studente sal bewys van inenting moet lewer alvorens hulle by die instelling sal kan registreer vir die nuwe akademiese jaar.
‘n Woordvoerder van die universiteit, Elijah Moholola sê die raad het die bestuur opdrag gegee om voort te gaan met die inwerkingstelling van die beleid en die praktiese uitvoering daarvan – met inbegrip van beleid en prosesse wat van toepassing sal wees op uitsonderings.
Stem vir die Aitsa’s
