10 Julie 2023
Die voormalige polisiebeampte en veroordeelde reeksmoordenaar, Nomia Rosemary Ndlovu, is met ‘n selfoon in haar tronksel betrap.
Ndlovu is aan die einde van 2021 tot ses keer lewenslange gevangenisstraf gevonnis vir die moorde op verskeie van haar familielede.
Sy sal na verwagting komende Woensdag, 12 Julie ook in die Kempton Park-landdroshof verskyn in verband met nóg ‘n moordverhoor.
Sy sal intussen ook intern deur die departement van korrektiewe dienste aangekla word ná sy met die selfoon betrap is. Volgens die departement sal sekere voordele van haar onttrek word.
Foto: EWN
