27 Desember 2021
Die polisie in Gauteng het ‘n groot deurbraak gemaak, na hy een van die mees berugte misdadigers in Mamelodi in hegtenis geneem het.
Die 31 jarige verdagte is glo deel van die Boko Haram bende, wat inwoners van Mamelodi al vir maande lank teister. Hy is gister in hegtenis geneem, en sal môre in die hof verskyn.
Hy staar klagte van roof, afpersing en intimidasie in die gesig.
Die provinsiale polisiekommisaris in Gauteng, Elias Mawela het die inhegtenisname verwelkom, en sê die polisie maak vordering om gemeenskappe te beskerm teen geweldadige bendes.
