6 September 2023
Verfilming aan die gewilde sepie, 7de Laan, sal hervat nadat produksie Maandag (4 September) gestaak is weens die openbare uitsaaier, die SAUK se versuim om dié produksiemaatskappy, Danie Odendaal-produksies te betaal.
Produksie aan die oorblywende 45 episodes sal môre (7 September) hervat word. Akteurs is per brief Sondagoggend ingelig dat hulle tot verdere kennisgewing nie vir werk aan te meld nie.
Alle oorblywende episodes moet voor 24 Oktober by Sasani Studios verfilm word. Volgens die produksiemaatskappy is die volle bedrag aan hulle verskuldig nog nié betaal nie, maar het hulle genoeg ontvang om wel voort te gaan.
Hierdie episodes sal 7de Laan op die lug hou vir sy laaste seisoen, met die laaste episode wat op 26 Desember gebeeldsend sal word.
