7 September 2022
Plaasveiligheidsgroepe en die polisie in die omgewing van Leandra en Kinross in Mpumalanga het vanoggend ‘n groep plaasaanvallers vasgetrek nadat hulle ‘n boervrou verskeie kere met ‘n mes gesteek het en ‘n plaaswerker toegetakel het.
Volgens Jacques Alberts van die Stratcon-veiligheidsmaatskappy sê die vrou het blykbaar drie messteekwonde in die bobeen en boud opgedoen en die plaaswerker is erg aangerand. Dit is nog nie duidelik of die plaaseienaar ook beseer is nie.
Alberts sê hulle het ‘n vermoedelik gesteelde windbuks asook ‘n sak met huis- en kluissleutels naby die N17 hoofeg gevind deur ‘n hommeltuig in te span.
