24 April 2023
’n 27-jarige verdagte sal na verwagting vandag in die Pietermaritzburg-landdroshof verskyn in verband met die moord op tien mense – van een gesin – Vrydag in Imbali in die KwaZulu-Natalse middellande.
Daar word beweer dat ‘n groep gewapende mans die huis bestorm en op die gesin losgebrand het.
Een verdagte is tydens ‘n skietgeveg met die polisie dood, terwyl ‘n ander gewond is en steeds in die hospitaal is.
Die KwaZulu-Natalse polisiewoordvoerder, brigadier Jay Naicker, sê beamptes het ‘n soektog na nóg ‘n verdagte van stapel laat loop.
