29 November 2022
Die polisie in Limpopo is steeds op soek na ‘n onbekende verdagte nadat ‘n egpaar gister op hul plaas in die Mara-distrik aangeval is.
Volgens die polisiewoordvoer kolonel Malesa Ledwaba het die aanvaller op die egpaar losgebrand terwyl hulle geslaap het, en is die vrou gewond.
Die plaaslike polisie ondersoek ‘n saak van poging tot moord en huisbraak na die aanval op die plaas Goedgedacht.
Ledwaba sê uit die voorlopige ondersoek wil dit vookom asof die aanvaller nie in die opstal was nie, maar dat hy van buite af op die egpaar losgebrand het.
Die aanvaller het op die vlug geslaan nadat die boer met sy eie vuurwapen terug geskiet het.
Die motief vir die aanval is onbekend.
