24 Mei 2023
Die jaarlikse verbruikersprysinflasie het op ‘n jaargrondslag in April vanjaar tot 6,8% terug gesak.
Dit is die laagste sedert Mei verlede jaar toe dit op 6,5% gestaan het, en 0,3% laer as wat dit in Maart was.
Jaarlikse inflasie vir voedsel en nie-alkoholiese drank het in April met 0,1% afgeneem tot 13,9%.
Die brood- en graanprysindeks het in die twaalf maande tot April met 20,8% gestyg, wat effens hoër as Maart se 20,3% was, maar laer as die onlangse hoogtepunt van 21,8% wat in Januarie aangeteken is.
Die melk, eiers en kaas produkgroep het ‘n jaarlikse prysstyging van 14,5% getoon – die grootste styging in veertien jaar.
Groente was gemiddeld 23,1% duurder in April 2023 vergeleke met April 2022.
