17 Augustus 2022
ActionSA se provinsiale voorsitter in die Oos-Kaap, Atholl Trollip doen ‘n dringende beroep op die minister van landbou, Thoko Didiza om die verbod op die vervoer van beeste te herroep.
Didiza het gister die verbod ingestel en sal minstens vir die volgende 21 dae in plek wees. Volgens haar is dit in ‘n poging om die verdere verspreiding van bek-en-klouseer te probeer voorkom.
LEES OOK: LUISTER: MINISTER PLAAS VERBOD OP DIE VERVOER VAN BEESTE TE MIDDE VAN BEK-EN-KLOUSEER
Trollip meen die minister behoort met rolspelers in die landboubedryf te vergader om ander planne te probeer maak omdat die verbod ‘n verwoestende uitwerking op die bedryf kan hê.
Volgens hom kan bek-en-klouseer beheer word indien die nodige voorsorgmaatreëls geld.
Hy sê ActionSA glo dat die regering oorreageer soos in die geval van die Covid-19-pandemie.
