21 April 2023
‘n Oplettende veiligheidswag se optrede het daartoe gelei dat twee pasgebore babas – wat in die Chris Hani Baragwanath-hospitaal in Johannesburg omgeruil is – met hulle biologiese ouers herenig kon word.
Die provinsiale departement van gesondheid in Gauteng sê die veiligheidswag het verpleegpersoneel daarvan in kennis gestel dat die een kind se naamplakker nie ooreenstem met dié van die ma nie.
‘n 35-jarige vrou het Maandag geboorte geskenk. Die verpleegpersoneel het later vasgestel die kind van ‘n 31-jarige vrou wat steeds in die hospitaal is, is aan die verkeerde gesin oorhandig.
Eers nadat die 31-jarige pasiënt reeds met ‘n baba ontslaan is, het verpleegpersoneel gereageer en die kind by die ma se huis opgelaai en aan haar die regte baba besorg.
Volgens die LUR van gesondheid, Nomantu Nkomo-Ralehoko sal die departement die gesinne bystaan met berading en DNS-toetse.
