4 Oktober 2021
Die Valke sê slegs sewe mense is tot dusver in hegtenis geneem in verband met beweerde aanhitsing van geweld tydens Julie se onluste in Gauteng en KwaZulu-Natal, ondanks die voormalige minister in die presidensie, Khumbudzo Ntshavheni se aankondiging destyds dat 12 mense in hul visier is.
Honderde winkels is tydens dié onluste gevandaliseer en geplunder. Ondanks beloftes van die regering en wetstoepassers is die inhegtenisnames en vervolgings nog nie afgehandel nie. Die regering het ook na afloop van die onluste erken dat hy onkant gevang is.
Volgens die Valke se Katlego Mogale het van dié vermeende aanhitsers reeds in die hof verskyn. Vier van die persone word daarvan beskuldig dat hulle, hul sosiale media-platforms gebruik het om mense aan te moedig om geweld te pleeg.
Die Valke-hoof, Godfrey Lebeya sê die onluste-saak sal dalk langer as verwag neem om af te handel, maar is vol vertroue dat dié ondersoeke nie stoom verloor nie.
Stem vir die Aitsa’s
