12 Oktober 2022
Fedusa het ’n beroep op president Cyril Ramaphosa gedoen om die 27ste Desember vanjaar as openbare vakansiedag te verklaar.
Die vakbondfederasie sê sy lede het hom daarop gewys dat Suid-Afrika dié jaar slegs 11 van sy 12 vakansiedae sal kry, omdat Kersfees op ’n Sondag val. Openbare vakansiedae wat op Sondae val, word gewoonlik op die Maandag gevier, maar Maandag die 26ste Desember is Welwillendheidsdag en is reeds ’n vakansiedag.
Fedusa meen daarom dat Suid-Afrikaners ingedoen word en dat dit werkers se moraal sal lig en ekonomiese aktiwiteit oor die feestyd ’n hupstoot sal gee as werkers die 27ste ook kan rus.
Fotokrediet: Purina.eu
