30 Augustus 2021
Die Verenigde Arabiese Emirate (VAE) oorweeg van vandag af weer toerismevisums vir alle besoekers – met inbegrip van Suid-Afrikaners – mits hulle ten volle teen Covid-19 ingeënt is.
Die entstof moet een wees wat deur die Wêreld Gesondheidsorganisasie (WGO) goedgekeur is.
Dié besluit is geneem as deel van ‘n strategie om ‘n balans te probeer vind tussen die Emirate se openbare gesondheid en aktiwiteit in die sakesektor wat nodig is om die land se ekonomie aan die gang te hou.
Volgens die Emirate se rampbestuursentrum sal Suid-Afrikaners steeds ‘n verpligte Covid-19 toets by hulle aankoms op die lughawe moet aflê voordat hulle in die land toegelaat sal word.
Die besluit volg op sekere lande in Europa, soos Duitsland en Frankryk, wat ook aangekondig het dat Suid-Afrikaners wat ten volle ingeënt is, weer welkom is.
Hou Afrikaans op die lug
