20 April 2022
Inwoners van verskeie dorpe in die Vrystaat, Noord-Kaap en omliggende gebiede, wat teen die Vaaldam en rivieroewers woon, is besig om hulle huise te ontruim weens oorstromings wat voorkom.
Volgens die departement van water en sanitasie is die dam 116% vol en moes van die dam se sluise oopgemaak word. Die bekende Manten Marina by Deneysville was reeds verlede week onder water en moes dus reeds toe ontruim word.
Van die ander dorpe wat geraak word is Parys, Oranjeville, Bloemhof, Christiana en Warrenton.
Die departement het vanoggend bevestig dat agt sluise reeds oop is nadat nóg een vanoggend geopen is.
