13 Oktober 2023
Die Gautengse LUR vir Gesondheid, Nomantu Nkomo-Ralehoko, sê dienslewerings-betogings en aanvalle op ambulanse en paramedici, is van die faktore wat nooddiens reaksietye belemmer.
Volgens Nkomo-Ralehoko het die provinsie se nooddienste daarin geslaag om ‘n 88%-reaksietyd vir nood-oproepe, in minder as 60 minute te handhaaf.
Sy sê Gautengse nooddienste werk steeds aan strategieë om aan reaksietye te verbeter en te mik vir onder 30 minute in stedelike gebiede en 60 minute in landelike gebiede.
Tegnologie word veral as deel van dié pogings aangewend.
Volgens Nkomo-Ralehoko, maak die departement ook staat op wetstoepassings-agentskappe om ambulanse na gebiede – wat as hoë-risiko-sones gemerk is – te begelei.
