19 April 2023
Uitspraak sal na verwagting vandag in die Johannesburgse hooggeregshof gelewer word in die saak teen die 52-jarige Gerhard Ackerman, wat daarvan beskuldig word dat hy ‘n kindersekshandel-sindikaat bedryf het.
Ackerman staan tereg op 738 aanklagte wat verkragting, die verspreiding van kinderpornografie, mensehandel en seksuele aanranding insluit.
Advokaat Paul Kennedy, wat saam met Ackerman aangekla is, het homself om die lewe gebring voordat die verhoor teen hulle begin het.
Ackerman het tydens die verhoor aangevoer dat hy ‘n masseersalon bedryf het, en dat hy tieners ouer as 16 jaar opgelei het om masseurs te word. Die masserings sou na bewering met seksuele aktiwiteite eindig, wat Ackerman as “gelukkige eindes” beskryf het.
Foto: Soweton Live
