19 November 2024
Altesaam R49,6-miljard is teen Maandag, 18 November, uit pensioenfondse onttrek.
Dit kom nadat die tweepotstelsel sedert 1 September in werking gestel is.
Die SAID sê hy het 2,2-miljoen aansoeke vir onttrekkings ontvang en reeds een-komma-nege-miljoen opgawes uitgereik.
Volgens die belastinggaarder het hy sedert die stelsel in werking getree het ‘n ongekende toename ontvang in die aantal belastingaansoeke.
Ontleders sê dié hoë onttrekkingskoers weerspieël die ekonomiese uitdagings wat huishoudings in die gesig staar.
