3 Junie 2024
Twee bejaarde mans is in hegtenis geneem nadat hulle na bewering ‘n 80-jarige man doodgeslaan het tydens ‘n bakleiery by ‘n ouetehuis in Noordwes.
Volgens die polisie het die twee verdagtes – onderskeidelik 75- en 92 jaar oud – in dieselfde ouetehuis as die oorledene in Jerigo – buite Brits – gewoon.
Na bewering het die bakleiery omstreeks 04:00 in die oggend uitgebreek.
Die polisiewoordvoerder, luitenant-kolonel Amanda Funani sê ‘n woordewisseling het ontstaan nadat die slagoffer uit die badkamer gekom het.
Een van die verdagtes het die slagoffer begin aanrand waarna die tweede verdagte hom by die eerste aangesluit het.
Die rede vir die bakleiery is nog nie bekend
