27 Desember 2021
‘n Man en ‘n vrou is vroeg vanoggend (27 Desember) dood en vyf ander mense is beseer toe twee ligte motors in ‘n kop-aan-kop botsing op die R501 buite Carletonville betrokke was.
Volgens die ER24 woordvoerder, Russel Meiring het paramedici net voor 01:00 op die toneel aangekom.
“Een man het binne een van die motors gelê, terwyl die vrou naby die ander voertuig gelê het. Beide is op die toneel dood verklaar,” sê Meiring.
Vyf ander volwassenes het op die toneel rondgeloop en het ligte beserings opgedoen.
