23 Augustus 2023
Twee tydelike werknemers is dood in ‘n brand by ‘n spesiale skool in Atteridgeville, Pretoria.
Die woordvoerder van die Tshwane-nooddienste, William Mabaso, sê nooddienste is ontbied nadat ‘n brand vroeër vandag by die Zodwa-spesiale skool uitgebreek. Die brand is deur ‘n gaslekkasie veroorsaak.
Hy sê vier mense is ook in die voorval beseer en moes na die hospitaal afgevoer word vir behandeling.
Die woordvoerder van die departement van onderwys in Gauteng Steve Mabona sê geen leerlinge is in die brand dood nie.
