30 Junie 2021
Die kieshof in Bloemfontein het ‘n aansoek van die Onafhanklike Verkiesingskommisie toegestaan dat agt tussenverkiesings – wat vandag in vier provinsies sou plaasvind – uitgestel kan word.
Die OVK is by magte om die verkiesings uit te stel – maar nie vir ‘n onbepaalde tydperk nie – en die hofbevel het dit nou moontlik gemaak dat die tussenverkiesings op ‘n later stadium kán plaasvind.
Politieke partye is ongelukkig omdat die OVK nie die besluit behoorlik aan hulle gekommunikeer het nie en die partye is eers vanoggend in kennis gestel van die amptelike bevel.
