11 Maart 2024
Die adjunk-burgemeester in die Tshwane-metro, Nasiphi Moya het ‘n dringende beroep op inwoners gedoen om die nodige betalingsreëlings met die metro te tref indien hul kragrekeninge agterstallig is.
Dit kom te midde van die Tshwane se veldtog, #TshwaneYaTima waarin hy poog om agterstallige skuld in te samel. Onwettige kragverbindings word ook opgespoor en ontkoppel.
Moya sê indien inwoners nie hulle rekeninge onmiddellik kan vereffen nie, kan afbetalingsooreenkomste gemaak word.
Die metro het verlede week strafregtelike klagte aanhangig gemaak teen ‘n sakekompleks in Centurion wat onwettige kragverbindings weer, sonder toestemming, gekoppel het.
