11 Februarie 2022
Die Tshwane-metro sal vandag met sy veldtog voortgaan om die elektrisiteit en water te sny van dié persone en organisasies wat hulle geld skuld.
Gedurende dié week is organisasies en staatsdepartemente soos Denel, die departement van hoër onderwys, die departement van openbare werke, asook verskeie hotelle se nutsdienste gesny weens agterstallige rekeninge aan die metro.
Die metro se woordvoerder, Selby Bokaba sê residensiële gebruikers is volgende. Hy sê wanbetalende verbruikers van huise, woonstelkomplekse en landgoedere sal volgende geteiken word.
Bokaba sê die metro word tans R17-miljard geskuld. Volgens hom is die metro ook tevrede met die vordering tot dusver.
