23 April 2024
Die VF Plus sê die aanstelling van kundiges in sleutelposte in die Tshwane-metro het ʼn beduidende rol gespeel in die verbetering van die metro se finansies en werksaamhede.
‘n Raadslid van dié party, Mari Joubert het gereageer op ‘n opmerking van die ouditeur-generaal tydens ʼn vergadering met die metro se openbare rekeningekomitee.
Sy sê die OG, Tsakani Maluleke het dit duidelik gestel dat daar nog ruimte vir verbetering is.
Maluleke meen ook dat die artikel 79-komitees – waarvan die openbare rekeningekomitee deel vorm – meer toesig oor departemente, met inbegrip van die interne ouditdepartement, moet uitoefen.
Joubert sê die VF Plus sal voor die bekendmaking van die begroting vir die 2024/2025-boekjaar dat meer fondse begroot word vir infrastruktuur.
“Die agterstand in die herstel van infrastruktuur moet verklein word om te verhinder dat die metro miljoene aan inkomste vir water en elektrisiteit verloor.”
