9 September 2024
Die VF Plus-raadslid en burgemeesterskomiteelid vir gemeenskapsveiligheid in die Tshwane-metro, Grandi Theunissen sê onwettige buitelanders wat betrokke is by misdaad, en onwettige grondbesetting sal eersdaags na hul land van oorsprong teruggestuur word.
Theunissen sê die Tshwane-metro en die minister van binnelandse sake, dr. Leon Schreiber, het tydens ‘n vergadering ooreengekom om saam te werk om die probleem onder die loep te neem.
Hy sê een van die grootste probleme is buitelanders wat verlate geboue in die middestad beset waar hulle kamers aan ongedokumenteerde buitelanders verhuur wat ʼn gesondheids-, brand- en veiligheidsrisiko inhou.
Theunissen meen die vermoede bestaan dat sindikate met stadsamptenare, regsfirmas en die aktekantoor saamwerk om eiendomme in die naam van misdadigers oordra.
Hy sê die minister is versoek om te help met onmiddellike deportasie.
