25 Maart 2022
Die Tshwane-metro het ‘n hofbevel bekom wat bepaal dat die Suid-Afrikaanse Munisipale Werkersvakbond, SAMWU, se bestuur en stakende werkers hulle skuldig maak aan die minagting van ‘n hofbevel.
Die bevel is uitgereik nadat die arbeidshof in Johannesburg bevind het dat die vakbond en sy stakende lede ‘n vorige hofbevel verontagsaam het.
Volgens die nuwe hofbevel moet die polisie en die metropolisie toesien dat die bepalings van die bevel afgedwing word.
Daar is ook ‘n kostebevel teen SAMWU uitgereik.
