3 Augustus 2023
Die Tshwane-metroraad het 41 briewe aan stakende amptenare gegee waarin hulle meegedeel word dat die raad beoog om hulle te ontslaan – weens hulle voortgesette betrokkenheid by die onwettige staking.
Volgens die raad se woordvoerder, Selby Bokaba, sal die raad ook die arbeidshof op ‘n dringende basis nader om die lede van die vakbond, Samwu, te laat skuldig bevind aan minagting van die hof.
Dit nadat dié hof Vrydag ‘n hofbevel aan die raad toegestaan het dat die staking – en meegaande arbeidsoptrede – onwettig was.
Dienslewering in die Jakarandastad word ernstig deur dié optrede geraak.
Bokaba sê vyftien werknemers van die raad is ook in hegtenis geneem vir klagtes van openbare geweld en dat hulle bykomende interne optrede in die gesig sal staar.
