8 Mei 2024
Die Tshwane-metro sê sy busdienste word steeds gedeeltelik ontwrig weens arbeidsoptrede deur busbestuurders wat lid is van die vakbond, SAMWU.
Werkers het voor die aanvang van gistermiddag se skof daarop aangedring om die stadsbestuurder te spreek en geweier om verder te werk.
Die metro sê hy het die stakers voor ‘n ultimatum gestel en sal teen hulle optree indien hulle nie spoedig terugkeer werk toe nie.
Dit is nie bekend wat die rede vir die ongelukkigheid is nie.
Werknemers wat lid is van die vakbond, Imatu gaan egter met hulle werksaamhede voort en gevolglik word dienslewering net gedeeltelik in die wiele gery.
